[frame="7 80"]زادت علي جروح قلبي ودارت
ياجروح قلبي بالحشا من يداويك
زادت على قلبي هموم توالت
وينك حبيبي وين غابت لياليك
مبعد وبعيني دمعه الشوق سالت
غايب وانا في خاطري دايم اطريك
وأن قلت حبك بالضماير تعالت
كل المشاعر في خفوقي تناديك
واشواق قلبي هزها الشوق مالت
تطلب حنان عاشته بين ايديك
طالت سنين العمر ياشوق وطالت
مشتاق لك ياشوق مشتاق لماضيك
كيف الليالي دون شوفتك يا حياتي
واتخيلك واشوف طيفك واناديك
محبتك في داخل القلب نالت
نالت وسام الحب وبالروح شاريك
لو تنطق جروح الحشا كان قالت
الله اكبر يازمن كيف ابقضيك
ياما ضلوع الصدر باالحمل شالت
بين الحنايا شالت هموم ترجيك
ترجي وصالك ترجي ايام زالت
قلي متى ؟؟ لاتنسحب من مباديك000[/frame]
2018-01-30, 5:18 pm من طرف 
