محاوله يائسه لاثبات شي مستحيل

محاولة يائسة لاثبات شيء مستحيييل!!!!!!!!

اتعجب كثير لما اسمع هالكلمة....

كثير من الناس يقف صامتا والفرص تمر من امامه...

اذا سألته ليش؟
قال ياخي مدري حاس انها مومناسبة..
اذا قال كل واحد هالكلام ما راح تلقى احد يعيش..
وحتى في اسهل الاشياء..

وهذي قصة اوضح فيها كلامي...

مرة كنت انا ومجموعة من الشباب طالعين للبر..
المهم وحنا في خضم عملية التطعيس والضحك غرزنا..
انا اصلا رحت معهم بالقوة لان الاشخاص هذولي مهملين وعايشين على قفا غيرهم مثل ما يقولوا..
وانا ما احب العينة هذي..
نزلنا والا الشباب متورطين ماقدرنا نطلع السيارة..
ومن حظنا الردي ان البوري خربان من النحس...هههههه
المهم ماكان في حل الا انا نشوف واحد مايقصر يسحبنا شوي الين تعتدل السيارة..
شفنا واحد مار من بعيد شوي وماشي على اقل من مهله..
وماكان يسمعنا نصرخ له المهم قلنا لواحد من الشباب وكان هو اخف واحد فينا...
اركض جهته واشر له عشان يجي يفزع لنا اذا يقدر..

المهم الادمي قال اوكييه..
رفع ثوبه يستعد وفصخ جزمته الله يعزكم علشان ينطلق..

المهم وهو يهم بالانطلاق ركض شوي ووقف وقال...
مايمديني عليه..
والصدق انه لو هرول بس والله يوصلله بالراحة..
انا وقفت اتعجب منه..
المهم رجعنا لبيوتنا...
اتصلت بصديق لي..
وعلمته بالسالفة وضحك..
وقال الناس ياعزيزي نوعين..
الاول هو النوع اللي مايحاول يسوي شي ويتعذر بكلمة والله مسحييل..
وهذا النوع موجود كثيييييير وما عنده اي طموح وتلقاه عايش في ضيق وتعاسه...

والثاني وهو مثل هذا اللي يبدا المحاولة لتحقيق هدف معين .
وبنص الطريق يوقف ويقول الظاهر انه ما يمديني..
وهذا موجود بعد ومعظم الناس اللي من هالنوع نلقاهم مترددين في اتخاذ اي قرار واللي الغالب انها تكون غير صائبة ويتخذون قراراتهم متأخر كثيير عشان كذا ما نلقاهم يحققون اي هدف واذا قلت له ..
طيب انت بديت سعيك ليش ما تكمل...
يقول اصلا اللي سويته كان محاولة يائسة لاثبات شيئ مستحيييل###

وكل النوعين يحتاجون الى زيادة الثقة بالنفس طبعا...
وكمان يعرفون ان الفشل مو عيب ولا ينقص من قدره شي..
اصلا لايوجد نجاح بدون فشل يسبقه...

الموضوع هذا يهمني كثير فحبيت انقل لكم وجهة نظري عشان كلنا نستفيد من بعض...

واذا كان في كلاي شي خاطئ اتمنى توضحونه...

ولكم مني خااالص التحية..

اخوكم فادي

اكره اليأس واكره اليائسين
اذا لم تكمل ما بدأت كأنك لم تبدا من الاصل
كلام جميل فادي يسلمو

مشكوره يا بنت الاردن ميرسي الك

مشكور فادي على طرح النصائح لنا